د تعمیراتو د ساتنې او څارنې ریاست موخې، فعالیتونه او دندې په لاندې ډول خلاصه کیږي:

  • د ودانیزو پروژو پلي کول، څارنه او ساتنه.
  • له تضمین، د کار له ښه فعالیت او د نیمګړتیاوو د لرې کولو معیارونو په پام کې نیولو سره، د پروژو د ثانوي اټکل ترتیبول.
  • د جمهوري ریاست اړوند د امنیتي اصولو او مقرراتو په پام کې نیولو سره، د پروژې د موادو اکمالات.
  • د نیمګړتیاوو حل او د ( اوبو رسونې، بریښنا، ترکاڼي، رنگمالي، تهویه، آسانتیاوې) او نورو چارو په شمول د تعمیراتو له سیستم څخه مراقبت.  ۵-: د نوې ټکنالوژۍ او کړنلارو په کارولو سره، په عامه ځایونو کې د شنې او مزینې فضا رامنځته کول.
  • د اړونده ونو او چمنونو درمل شیندنه، وښو ریبل، د څانګو قیچي کول او اصلاح.
  • د سیمو مینځل، پاکول او د کثافاتو لیږدول.
  • د ودانیو او ساحاتو سجل او په اړوند ډیټابیس او د ملکیت په دفترونو کې ېې درجول.
  • د تعمیراتو د معتمدینو د مسئولیت د رفع کولو لپاره، د غیرې منقولو اجناسو ثبت او اړونده دفترونو ته د ټکیټونو ویش.
  • د ملکیت اړوند دفترونو کې د پروژو د ثانوي اټکلونو ثبت او راجستر.
  • د داخلي او بهرنیو ادارو تر منځ د سالمې همغږۍ رامینځته کول.
  • د تدارکاتي، مصرفي او د نورو اداري چارو د سندونو تنظیمول.
  • د لومړیتوبونو په پام کې نیولو سره د شته تخنیکي وسایطو تنظیم او کارول.
  • اړونده حسابونو ته د پغمان تپې د ماڼۍ، د لویې جرګې او د مولانا جلال الدین محمد بلخي د تالارونو د عوایدو راټولول.

د تعمیراتو د ساتنې او څارنې ریاست:

د تعمیراتو د ساتنې او څارنې ریاست جمهوري ریاست پورې د ټولو اړونده جایدادونو د ښه، شین او سمسور چاپیریال د درلودو لپاره جوړ شوی دی.

دا ریاست د پراختیايي پروژو د پلې کولو( په ارګ کې دننه ودانیزې چارې) او د تخنیکي آسانتیاوو د چمتو کولو او جمهوري ریاست پورې د اړوند ټولو تاسیساتو او شنو سیمو د پالنې او ساتنې مسئولیت په غاړه لري.